بقالى كتييييييييييييييير مكتبتش حاجة جديدة لا فى البلوج ولا فى غيره نظراً للظروف الغريبة والغير مستقرة اللى مريت بيها واللى الحمد لله كان اغلبها سعيد بفضل الله

هنتكلم النهاردة عن حاجة مهمة جدا بتواجه شريحة كبيرة من مستخدمين اللينكس، وهى ان مستخدمين كتير جدا بيبقوا عايزين يعملوا حاجة معينة فى السيستم من خلال سطر الأوامر وبيبقوا مش عارفين اسم الامر اللى بينفذ الوظيفة دي

المشكلة دي بسيطة وحلها ابسط

الحل يكمن فى امر

man -k

طريقة استخدامه

man -k <keyword>

العلامتين < > بيدلَوا على ان لازم الامر ياخد قيمة بس متغيرة على حسب طلبك، راجع البوست دا وانت تفهم اكتر..

كلام حلو اوى اللى فات دا، وهيوضح اكتر بالمثال التالى:

فلنفترض اننا عايزين نمسح ملف او ملفات معينة، ومش عارفين بالظبط اسم الامر اللى بيمسح، فماذا نحن فاعلون

هنفتح سطر الاوامر وهنكتب

$ man -k delete

هتلاقيه طلعلك قايمة كبيرة جدا من اسماء الاوامر، هتلاقى على الناحية الشمال اسم الامر وقدامه وصف قصير لاستخدامه

طبعا الامر تقدر تستخدمه كمستخدم عادى مش شرط تكون مستخدم جذر او root

طب لو كنت عايز ابحث عن وظيفة امر مكونة من اكتر كلمة؟

طبعا زي ما الاغلبية عارفة ان لو كتبنا اكتر من كلمة وبين كل واحدة والتانية مسافة بغرض البحث عنها كجملة واحدة سطر الاوامر بيقرا كل واحدة كمعطى منفصل، فطبعا عشان نتلاشى حاجة زي دي هنحدد لسطر الاوامر انه يقرا الجملة على بعضها، ودا عن طريق اننا بنحط الجملة بين علامة او علامتين تنصيص single quote or double quote signs

زي كدا

$ man -k ‘determine locale support’

اهم حاجة تكون عارف الصيغة اللى هتكتب بيها الوظيفة اللى هتبحث عنها

ملحوظة صغننة

man -k

بيستخدم قاعدة بيانات whatis

واللى طبعا لو كنت راجعت البوست اللى قولت عليه فى الاول كنت عرفت ان قاعدة البيانات دى غير متاحة فى النظام بعد تثبيته ، ولكن بتتنشئ بعد يوم من تثبيت النظام وبتتحدث كل يوم بالليل.

ولو قفلت معاك خالص وعايز تعملها بعد ما تثبت النظام على طول ادخل بمستخدم الروت او الجذر واكتب الامر دا

# makewhatis

وعيش يامعلم

Peace!

هتكلم النهاردة عن كيفية اخفاء ايكونات الهارد ديسك من الديسك توب واقتصار ظهورها داخل ايكونة ماى كمبيوتر بس

كتير مننا بيتخنق من منظر الديسك توب لما بيتقلب زحمة من ايكونات البارتيشنز بعد عمل ماونت ليها

عموماُ دا الحل اللى قدرت اوصله

وتمت التجربة على

Fedora 10

بواجهة جنوم طبعا

اول حاجة هتفتح الترمينال وتدخل بالروت

# su -

تانى حاجة هتكتب

# yum install gconf-editor

وبعد ما يخلص تثبيت هتفتح البرنامج عن طريق كتابة

# gconf-editor

هيفتحلك نافذة البرنامج  مقسم لناحيتين

الناحية الشمال عبارة عن شجرة ملفات ، هنختار منها

apps

ثم

nautilus

ثم

desktop

هنبص على الناحية اليمين هنلاقى اختيارات نقدر نتحكم فيها براحتنا سواء ايه نظهره او ايه نخفيه

اللى محتاجينه كعنوان البوست هو اختيار

volumes_visible

الخيار الافتراضى هو انها ظاهرة على الديسك توب فعلا ! انما لو شيلنا العلامة اللى قدامها هنلاقيها اختفت من على الديسك توب ، ونقدر نتحكم فى ظهور سلة المحذوفات وايكونة الهوم والكمبيوتر والشبكة

بس كدا

كتير من مستخدمين اللينكس الجدد بيواجهوا مشاكل فى الخطوط العربى ..

هقول على شوية تلميحات بسيطة هتفيدنا ان شاء الله

هنبدا اولا بالخطوط :

وهتكلم الاول على افتراض انك بتستعمل ريدهات او سينت او اس

RedHat or CentOS (Comunity of Enterprise Operation System)

يبقى اول حاجة تعملها وانت بتثبت التوزيعة على جهازك هى انك تضيف دعم للغة العربية

لو نسيت او مكنتش عارف

-جل من لا يسهو -

كل اللى عليك تروح لـ Add/Remove

وتضيف من قسم اللغات دعم اللغة العربية

تانى حاجة هتنزل حزمة الخطوط دى

MSTTCorefonts

وبعدين تفتح سطر الاوامر وتدخل بمستخدم الجذر او الـ Root

عن طريق كتابة

su -

وبعدين توصل للمكان اللى فيه حزمة الخطوط وليكن مثلا سطح مكتبك – طبعا باختلاف اسم المستخدم

# cd /home/ahmed/Desktop/

وتبدا بتثيت الحزمة فى النظام

# rpm -ivh msttcorefonts-2.0-1.noarch.rpm

او ممكن تكتب الامر كله مرة واحدة بكتابة الاسم المفصل absolute name

# rpm -ivh /home/ahmed/Desktop/msttcorefonts-2.0-1.noarch.rpm

ف ثوانى هتكون الحزمة متثبتة على نظامك وتقدر تغير الخطوط اللى موجودة فى النظام بشكل عام او البرامج بشكل خاص زي الفايرفوكس مثلا بنفس الخطوط اللى بتستخدمها على الويندوز واللى حزمة الخطوط ضافتهالك حالاً ..

ثانياً : الترجمة

كتجربة شخصية لقيت ان برنامج Totem video player

اللى بينزل مع النظام بشكل افتراضى لا يعرض الترجمة العربية حتى مع تغيير الانكود غير ان اغلب الصيغ مش بيقراها حتى مع تنزيل الكودكس بشكل صحيح

كحل بديل ممكن نستخدم SMPlayer

بصراحة مشغل فيديو ممتاز جدا ورائع فى عرض الترجمة احسن من الويندوز كمان

كل اللى عليك انك تفتح سطر الاوامر وتكتب وانت روت

# yum -y install smplayer

ف ثوانى هيكون متثبت على نظامك ، كل المطلوب انك تفتح التفضيلات  preferences

وتعدل الانكودنج وتخليه CP-1256

اللى هو انكود اللغة العربية وان شاء الله هيشتغل كويس جدا

بالنسبة لمستخدمين الفيدورا العملية اسهل بكتير

لان مخازن السينت او اس والريدهات عليها دعم قليل جدا للمالتيميديا ولوازم استخدام النظام كمستخدم عادى بعيد عن السيرفر

اولا : الخطوط

هتنفذ السبع خطوات دول بالظبط

http://www.fedorafaq.org/#installfonts

وبعدها هتلاقى مجموعة الخطوط اللى بتستخدمها على الويندوز ان شاء الله

ثانيا : الترجمة

تقدر تستخدم Totem

عادى جدا بعد ما تغير الانكود ولو فى مشكلة تقدر تثبت الـSMPlayer

بنفس الخطوات اللى فوق !!

]]> http://ka7rata.wordpress.com/2009/04/12/%d9%85%d8%b4%d8%a7%d9%83%d9%84-%d8%a7%d9%84%d8%ae%d8%b7%d9%88%d8%b7-%d9%88%d8%a7%d9%84%d8%aa%d8%b1%d8%ac%d9%85%d8%a9-%d8%a7%d9%84%d8%b9%d8%b1%d8%a8%d9%8a%d8%a9-%d9%81%d9%89-%d8%aa%d9%88%d8%b2%d9%8a/feed/ 0 balbata http://ka7rata.wordpress.com/2008/11/01/how-do-i-force-users-to-change-their-passwords-upon-first-login/ http://ka7rata.wordpress.com/2008/11/01/how-do-i-force-users-to-change-their-passwords-upon-first-login/#comments Sat, 01 Nov 2008 22:27:48 +0000 balbata http://ka7rata.wordpress.com/?p=16 ]]> السلام عليكم !

البوست دا زي ماهو مكتوب  ف العنوان

” ازاى اقدر اجبر المستخدمين على تغيير باسورداتهم بمجرد تسجيل دخولهم “

1- الاول : نقفل الاكاونت اللى عايزين ننفذ عليه التريك دي

الاوامر فى نظام التشغيل جنو\لينكس بتاخد الشكل التالى
command [option] [argument]
كل جزء ف الامر بيتفصل بينه وبين التانى بمسافة

العلامتين [ ] بيدلوا على ان اللى بينهم قيمة اختيارية يعنى تحطها او متحطهاش دي ترجع لاحتياجك !
الجزء الخاص بـ
[option]
دا بيغير من تصرف الامر ، يعنى بيدي للامر مسار يمشى عليه غير مساره الافتراضى ، بس في هنا حاجتين احب اوضحهم
الاولى : هى ان الاوبشن او الاختيار لما يكون كلمة لازم تتسبق بعلامتين – زي مثلا
$ cal –help
التانية : هى ان الاوبشن او الاختيار لما يكون حرف لازم تسبقه بعلامة - واحدة ، زي مثلا
$ ls -l
او ممكن تجمع بين اكتر من اوبشن زي كدا مثلا
-a -b -c = -abc
الجزء الخاص ب
[argument]
ودا بيعبر عن اسم ملف او مساره او اى بيانات بيحتاجها الامر عند التنفيذ ! وطبعا قولت قبل كدا انها مسالة اختيارية ، فى اوامر بتحتاج الاوبشن دا زي
$ cat /etc/fstab
او ممكن اوامر تانية بتتنفذ من غيره
$ top
ملحوظة : ممكن تجمع بين امرين او اكتر وتنفذهم ف نفس السطر اللى حضرتك كاتب فيه الامر ! مجرد بس تفصل بينهم بعلامة ; وبعدين تكتب الامر اللى بعده وهكذا ..
example :
$ mkdir backups ; cp *.txt backups/
اوامر اللينكس كتيييييييييير جدا ! طبعا يستحيل الواحد يحفظها ، ولو حفظ اللى بيستخدمه بكثرة مش هيقدر يحفظ الاوبشن بتاعت الاوامر
ع العموم انا كاتب البوست دا عشان كدا ، طرق الحصول ع المساعدة فى نظام التشغيل جنو\لينكس ، ودي اغلب الطرق تقريبا المتاحة ف جميع التوزيعات ..

1- whatis <command>

الوصف : دا امر سهل وبسيط ، بيدى وصف مختصر عن وظيفة الامر ليس الا ..

الاستخدام :
$ whatis <command>
العلامتين <> دول بيدلوا على ان اللى بينهم قيمة متغيرة ! يعنى مرة تكتب

date او cal

ومرة تكتب على حسب يعنى الامر اللى محتاجله مساعدة
example :
$ whatis cal
cal (1) – displays a calendar

ملحوظة :
whatis
بيستخدم ف البحث قاعدة بيانات خاصة بيه ، بتبقى موجودة فى السيستم بيبحث منها وبيستمد منها معلوماته ..
قاعدة البيانات دى مش هتلاقيها اول ما تثبت النظام ، لانها بيتعملها ابديت كل يوم بالليل !!

طبعا دي مش مشكلة خالص ، لو احتاجتها اول ما خلصت تثبيت النظام ممكن تبنيها عادى !!
كل المطلوب انك تدخل باكاونت الجذر او
root
او
sudo ( super user can do )
وتكتب
# makewhatis

امر واحد كدا على بعضه بدون فواصل او مسافات !!

وبكدا تكون عملت قاعدة بيانات ل
whatis

2-<command> –help

مقدمة: امر سهل وبسيط جدا ، بيقدملك وصف مختصر لطريقة استخدام الامر ، غير انه بيدعم اغلب الاوامر لكن مش كلها ! طبعا اوامر نادرة جدا

طريقة الاستخدام :

<command> –help

example :

$ date –help
Usage: date [OPTION]… [+FORMAT]
or:  date [-u|--utc|--universal] [MMDDhhmm[[CC]YY][.ss]]
Display the current time in the given FORMAT, or set the system date.
-d, –date=STRING         display time described by STRING, not `now’
-f, –file=DATEFILE       like –date once for each line of DATEFILE
-r, –reference=FILE      display the last modification time of FILE
-R, –rfc-2822            output date and time in RFC 2822 format.
Example: Mon, 07 Aug 2006 12:34:56 -0600

3- man

مقدمة : هو امر بيقدملك صفحات وثائقية عن الاوامر ، برضه بيدعم اغلب الاوامر ولكن مش كلها ، وطبعا اوامر نادرة جدا !

الصفحات دى بتبقى متقسمة لفصول chapters

طريقة الاستخدام :

man [<chapter>] <command>

الجزء اللى ف النص دا اختيارى ، بتحط فيه رقم الشابتر اللى فيه الوصف او التفصيل اللى مقصود او ممكن تسيبها فاضية وتقرا م الاول

example :

لو عايز تبحث عن استخدام وظيفة basename

هتكتب

$ man basename

لو عارف رقم الفصل اللى بيتكلم عن الاستخدام بتكتب رقمه قبل اسم الامر ، ف مثالنا دا الفصل بتاع الوظيفة هو الفصل التالت

$ man 3 basename

4- info

مقدمة : زى امر man

بالظبط ، بس متعمق اكتر ، يعنى ممكن تكتبه من غير argument

وهيعرضلك الصفحات كلها ..

صفحات امر info

مبنية زي مواقع الانترنت ،كل صفحة مقسمة لابواب

طريقة الاستخدام:

info [<command>]

5- Documentation

او الوثائق ، ودى وثائق بتجهزهالك الشركة المنتجة للتوزيعة اللى سيادتك شغال عليها ، وبيكون موقعها على النظام بتاعك

/usr/share/doc

6- Online Help

ودى المساعدة اللى بيقدمهالك موقع الشركة المنتجة للتوزيعة اللى انت شغال عليها من خلال موقعها على الانترنت ، وهنا لازم نفرق بين المساعدة والدعم الفنى ، لان الدعم الفنى بيكون اعم واشمل من كدا والشركة نفسها اللى بتقوم بيه ، ودا تقريبا اكبر مصدر لدخل الشركة

اتمنى يكون الكلام مفهوم

المصدر :

RH033 : RedHat Linux Essentials, Unit 2